පිළිවලින් ඊළඟට වැදගත්කමක් උසුලන චරිතය වන්නේ රංහාමි. ඔහු ප්‍රධාන කොස්තාපල්, නියෝජ්‍ය ගම්මුලාදෑනි, බදු නිලධාරි සහ තව නොයෙක් නානාවිධ තනතුරු දරනවා. ඔහු කෝරාළගේ දකුණු අත වගේ. අධික තරබාරු කමක් නැති මොට්ට චරිතයක්. නමුත් තමන්ගේ ලාභය ගැන බොහෝ සැලකිලිමත්.
Continue reading “Villagers in the Malwatte Village”
ගමේ හාමුදුරුවෝ වෙනමම අච්චුවක පුද්ගලයෙක්. අධ්‍යාපනයක් ලැබූ කෙනෙක් කියා යුරෝපීය සම්මතයට අනුව කියන්නට බැහැ. නමුත් මනසේ ඇති යම් මන්දාලෝකයකින් අභ්‍යන්තරයේ ඇති අඳුර විදහාපාන්නට හැකියාවක් තියනවා. ඇත්තෙන්ම උන්නාසෙට බොහොම හොඳට කියවන්නට හැකියි. මන්දයත් ත්‍රිපිටකයෙන් හෝ වෙනත් බෞද්ධ ලේඛනයන්ගෙන් පාඨයන්, උදේටත් හවසටත් විහාරයේ හඬනගා කීම ඔහුට අයත් රාජකාරියක් වන නිසා.
ප්‍රභාවත් හරිත පැහැයෙන් ගනසැරේට වැඩුනු ගහකොළ අතරේ වූ නිවස විනාශ මුඛයට ඇද වැටුනු අඳුරු මුහුණුවරක් ගත්තා. ඈතට දිස් වුනේ සාරවත් ගස් කොළන් මතින් නැගි ලොකු ඉන්නෙක් වගේ. කෝපි, කෙසෙල්, කපු පුළුන්, ජම්බු, පැපොල් යන ගස් නොසෑහෙන්න කැලෑවට වගේ වැවිලා.
මේ ආදිකල්පික සමාජය ඉතා කුඩා වුවත් එහි ප්‍රධානීන් දැකගත හැකියි. ගමට නායකත්වය දෙන්නේ කෝරළේ හෙවත් ගම්ප්‍රධානියා හෝ කුඩා බෞද්ධ විහාරයක වෙසෙන හාමුදුරුවහන්සේලාය.
මා වාසය කරන කෝපි වත්ත පිහිටා ඇත්තේ පැතුරුණු තැනිතලා සහ, සෞම්‍ය සුළඟට කතා කරන මනා සුවඳැති කුළුබඩු සහ, රැළි නගන උස ගස් ඇති සාරවත් පහත්බිම් කෙරෙන් මහත් සේ උස්වූ ලංකා දූපතේ ඇති වනගත සහ අලංකාරතම දිස්ත්‍රික්කයන්ගෙන් එකකයි.
අන්තර්ගතය සහ රූප සටහන්
මෙතැන් සිට දිග හැරෙන්නේ ජෝන් කැපර් විසින් රචිත “පැරැණි ලක්දිව” නම් කෘතියේ සිංහල අනුවාදනයයි.
