Nuwara Ellia

එක් දිනක් ඇජැක්සුත් මමත් නුවර එළිය බලා පිටත් වුනා. ගිය දුම්රිය මැදිරිය සම්පූර්ණයෙන්ම වගේ පිරිලා හිටියේ තේ වැවිලිකරුවන්ගෙන්. (මේ අතර බිරින්දෑවරුන් හා සහෝදරියන් එක්කෙනෙක් දෙන්නෙක් දකින්න හිටියා) ඒ වගේම අපි හිටපු හෝටලයෙත් තේ වැවිලිකරුවන් කිහිප දෙනෙක් හිටියා. මේ වගේ දුරස්තර සාවියක සම්පූර්ණ සම්මත ඉංග්‍රීසි ඇඳුමම ඇඳගත්ත, ඒත් සාමාන්‍ය මැද පෙළ ව්‍යාපාරික පංතියේ ඉංග්‍රීසි මුහුණු කීපයක් දකින්න ලැබීම කුතුහලය දනවන කාරණාවක් වුනා.

Continue reading “Nuwara Ellia”

Advertisements

The British and the Natives

මහනුවර කියන්නේ අඩි 2,000 විතර උසින් පිහිටා තියෙන හරිම අලංකාර නගරයක්. පැත්තකින් මහනුවර රජකම් කල පැරණි රජ දරුවරුන් විසින් නිර්මාපිත වැවක් පේන්න තියනවා. කඳු වළල්ලකට මැදිව නිවර්තන ශාකයන්ගෙන් සහ පුෂ්පයන්ගෙන් යුතු මනහර වන පියස්සකට ආවරණය වෙලා තියන හන්දා කඳු මුදුන් සහ කඳු බෑවුම් සිට කමණීය දර්ශනයන් මවා දක්වනවා.

Continue reading “The British and the Natives”

The Talipot Palm

පේරාදෙණිය උද්භිත උද්‍යානය තියෙන්නේ මහනුවරින් සැතපුම් තුන හතරක් පිටතින්. මේ කියන පුස්කොළ පොත් හදන්න ගන්න තල ගහක හොඳටම පීදිච්ච තල මලක් අපි එහිදී දැක්කා. හැබැයි මේ ලස්සන ශාකය පොල් ගස වගේ නම් නෙවෙයි. හොඳට කෙලින් සෘජුව වැඩෙන ශාකයක්.

Continue reading “The Talipot Palm”

The Great Buddhist Temple at Kandy

කළුවා අපිත් එක්ක නුවර ආවා.  ඊට පස්සෙ අපි හැමෝම ගියා මහනුවර තියන බෞද්ධයන්ගේ මුදුන් මල්කඩ වුනු දළදා මාලිගාවට. එතැන තමයි බෞද්ධයන්ට මාහැඟි වටිනාකමක් තියන බුදු රජාණන් වහන්සේගේ දන්ත ධාතුව තැන්පත් කරලා තියෙන්නේ.

Continue reading “The Great Buddhist Temple at Kandy”

Cinghalese Rice Fields and Mode of Life

අඩි 50ක් විතර උස පොල් ගහේ කඳ දිගේ කෙලින්ම ඉහළට නැග්ග පුංචා බොහොම අවධානම් සහිත ගමනක් ගියේ. කඹයකින් හදාගත්ත තොණ්ඩුවක්, යටි පතුල් දෙකෙන් පොල් කඳ තදින් බදලා අල්ලගන්න පුළුවන් වෙන විදිහට කකුල් දෙක වටා දාගෙන, අත් දෙකෙන් පොල් කඳ බදාගෙන, දණහිස් දෙක කන්දෙක වෙනකන් උස් කර කර නගින්නෙ හරියට ගෙම්බෙක් පීනනවා වගේ.

Continue reading “Cinghalese Rice Fields and Mode of Life”

Cinghalese Devil Dancing

කළුවා නම් ඔහුගේ ජාතියේ අනෙක් සමහර මිනිස්සුන්ට වඩා ලෝකෙ දැකපු කෙනෙක්. ඒ වගේම ඔහුට ඉඳ හිට ඉඩ ප්‍රස්ථාවක් ලැබෙනවා අමතර පොඩි මුදලක් වුනත් උපයගන්න. ඔහු වයස අවුරුදු 12ක 13ක කාලයේ පටන්ම යක් නැටුම් වල නටනවා. පෙනෙන හැටියට ඔහුගේ පියා තමයි ඔහුව ඊට යොමු කරලා තියෙන්නේ.

Continue reading “Cinghalese Devil Dancing”

Cinghalese Marriage Customs

මේ කුඩා කඳු මිටියාවතේ පෙනෙන හැටියට නම් ප්‍රධාන වශයෙන් වාසය කරන්නේ මේ සහෝදරයන් දෙන්නා සහ ඔවුන්ගේ ඥාතිවර්ගයා විතරයි. හරියට මේ ගොල්ලෝ පුංචි ගෝත්‍රික කණ්ඩායමක් හදාගෙන වගේ. කළුවා සහ ඔහුගේ පියාට සෑහෙන කුඹුරු ඉඩම් තීරු ප්‍රමාණයකට උරුමකමක් තියනවා. ඒ අනුව අනෙක් සිංහල ගැමියන්ට වඩා පොහොසත්කමක්  මේ ගොල්ලන්ට තියනවා කියලා කියන්න පුළුවන්. ඒත් ඒක එච්චර ගණන් ගන්න තරම් ලොකු පොහොසත්කමක් නම් නෙවී.

Continue reading “Cinghalese Marriage Customs”

Primitive Habits of the Cinghalese

අර්න්ස්ට් හෙකල් ඔහුගේ ලක්දිව ගැන රචිත කෘතියේ සිංහලයින් ගැන කියන්නේ ඔවුන් දිගු කලක් තිස්සේ ශිෂ්ටසම්පන්න ජාතියක් වුනත්, ඇඳුම් සහ ගෙපැල් සහ අනෙකුත් දේවල් අතින් ඔවුන් වනචාරීන් වගේ ආදිකල්පිතයි කියලයි. මේ ප්‍රකාශයෙ ඉතා ලොකු සත්‍යතාවයක් තියනවා කියල මටත් තදින් වැටහුණා.

Continue reading “Primitive Habits of the Cinghalese”

The Coco-Nut Palm and Catamaran

මට නම් කවදාවත් පොල් ගස් දිහා බලන් ඉඳිද්දී විඩාවක් දැනෙන්නේ නෑ. ඒවා ඇත්තටම මිලියන ගණනක් කොළඹින් උතුරට හා දකුණට  මේ වෙරළ තීරය දිගේම වැවී තියනවා. දකුණු මුහුදුබඩ මාර්ගය සෙවණ වී තිබෙන්නේ ඒවායෙන්.

Continue reading “The Coco-Nut Palm and Catamaran”

Colombo – Social Arrangements and Amenities

කොළඹ නම් විනෝද වෙන්න තියන තැන් ප්‍රමාණවත් නැහැ (ඉන්දියාවේ නගරවලත් එහෙමම තමයි ). රඟහලක් තියා ප්‍රසංග ශාලාවක්වත් නෑ. ජන සංඛ්‍යාව ඉතා විශාල වුනත් (120,000) මේ තත්වය පහසුවෙන් වටහාගන්න පුළුවන්. මොකද මේ හැමෝම එකිනෙකට වෙනස් නානාප්‍රකාර විදිහේ අය හන්දා ඇති පදම් විශාල ජනකායක් මේ තැන් වලට ඒය කියල හිතන්න බෑ. අනික සෑම ස්වදේශික ජාතියකටම ඔවුන්ගෙම කියලා ඔවුන්ට ඕනා කරන විදිහට සැණකෙළි තියනවා.

Continue reading “Colombo – Social Arrangements and Amenities”